Po swěće dundajo

hudźbna komedija

Z Labradora přez USA do Hawaija a dale do Awstralskeje? To klinči nimale za swětowej jězbu, kaž w sławnych filmach wo Indianje Jonesu. W nich so za pokładami w zabytych templach honi, so chětro z pistolow dymi a wone su žiwe z horcych scenow přesćěhanja. Tež při nowym ptačokwasnym programje SLA móža so přihladowarjo na pytanje za kulturnymi pokładami podać, štož dosć napjatosće lubi. Tomaš (Michał Cyž) je swoje 30. narodniny hižo před tójšto lětami woswjećił, je nježenjenc a workaholic. Ale dopózna, zo žiwjenje tola wjace skića. A wón so na slědy swojeho njeznateho wulkowuja Jurja nastaji, kotryž běše 19lětny wupućował. Hdźe dźensa tči a hač je hišće žiwy, nichtó njewě. Powěda so, zo běše so za swój čas po slědach misionara Jana Awgusta Měrćinka do swěta podał. Z hišće njenazhonitej, ale šarmantnej pilotku (Helena Bětnarjec) a w lětadle, kotrež jeho šef sponsoruje a kiž drje wjace wě, hač přeradźa , so za Tomaša napjata jězba započina.
Na podkładźe stacijow a historiskich pozadkow w zwisku z wupućowanjom Serbow do zamórskich krajow prezentuja rejwarjo, hudźbnicy a spěwarjo SLA zhromadnje z dźiwadźelnikami zabawnu jězbu po swěće. Při tym wotkrywaja, kotre serbske  tradicije a nałožki su w tutych krajach do dźensnišeho žiwe. Libreto je napisał Wito Bejmak, kotryž bě hižo za lońši ptači kwas skeče spisał. Režiju je dźiwadźelnik NSLdź Marian Bulank přewzał. Hudźba je z pjera Andreasa Pabsta, chóroweho direktora SLA. Wo choreografiju postaraštaj so Mia Facchinelli a Kornel Kolembus.

Nowinarske referency

Radijowy přinošk RBB 21.01.2018   Bramborske serbske radijo rbb

Radijowy přinošk RBB 22.01.2018   Bramborske serbske radijo rbb

libretto: Wito Bejmak (j.h.)

režija: Marian Bulank (j.h.)

hudźba: Andreas Pabst

hudźbny nawod: Andreas Pabst

choreografija: Mia Facchinelli | Kornel Kolembus

wuhotowanje: Mirosław Nowotny (j.h.)

technika: zarjadowanski serwis Christof Bjarš | SLA

wobsadźenje:

chór, orchester & balet SLA

pilotka (Sofija): Helena Bětnarjec (j.h.)

Tomaš: Michał Cyž (j.h.)

Keine weiteren Aufführungen in dieser Spielzeit.

Impresije

© Holger Hinz, Stefan Cuška