Oratorij "Israelowa zrudoba a tróšt"


“Israelowa zrudoba a tróšt” je duchowny oratorij wuznamneho serbskeho komponista Korla Awgusta Kocora po słowach swjateho pisma. Při tym wupyta sam městna pismow stareho testamenta. Dokelž pak Kocor jenož małki dźěl orchestrowaše, je so komponist a dirigent Stefan Malzew z tym zaběrał. Mjez 1989 a 1990 nasta tak skutkowny oratorij, kiž na Kocorowej originalnej kompoziciji bazuje a so po zmysle hudźbneje tradicije kónc 19eho lětstotka orchestrowaše. Po prapremjerje Malzoweho wobdźěłanja a dalšim předstajenju w lěće 1994 smě so publikum nětko znowa na chłóšćenku pod hudźbnym nawodom Judith Kubicec wjeselić. Podpěru dóstanu spěwarjo a hudźbnicy Serbskeho ludoweho ansambla wot serbskich lajskich chórow “Lipa” a “Meja” kaž tež wot orchestra “Sinfonietta Drježdźany”.

hudźbny nawod: Judith Kubicec

wobsadźenje:

Romy Petrick (sopran)

Britta Schwarz (alt)

Jens-Uwe Mürner (tenor)

KS prof. Matthias Henneberg (bas)

chór "Meja"

chór "Lipa"

chór SLA

Sinfonietta Drježdźany

orchester SLA

Keine weiteren Aufführungen in dieser Spielzeit.