Sołobiki

SOŁOBIKI - KÓŽDEMU DŹĚSĆU JEHO HŁÓS

„Kóždemu dźěsću jeho hłós“ njeje jenož mjeno projekta, ale program. Kóžde dźěćo ma swój hłós a by měło nazhonić, na kotre a kak wšelakore wašnje móže so ze zwukami a z rěčnymi srědkami zwuraznjeć. Hłós dźě je naš najwažniši instrument komunikacije! W našim času wutłóčuja techniske medije, kaž internet, mobilny telefon, CDje a mp3, wjelestronskosć přirodneje komunikacije mjez ludźimi. Wědomostne studije nazornje dopokazaja, zo problemy z hłosom kaž tež rěčne mylenja a haćenja pola dźěći přiběraja. Tohodla angažuja so mjeztym po wšej Němskej spěwne projekty za šěrjenje so pozhubjowaceje wědy wo strowym, přirodnym spěwanju a rěčenju. Nimo toho słuša spěwanje tež k wašnju žiwjenja – je wobstatk našeje kultury, dźěl wosobinskeho a towaršnostneho žiwjenja.

KÓŽDE DŽĚĆO MÓŽE SPĚWAĆ!

Hłowny zaměr našeho spěwneho projekta “Sołobiki – Kóždemu dźěsću jeho hłós“ je, zo dźěći hudźbu přez spěwanje, rěč a pohiby nazhonja a sej swój hłós jako wosobinski a kreatiwny srědk zwuraznjenja wotkryja. W kóždym dźěsću tči cyle přirodna žadosć za tym; wona pak so njemóže wuwiwać abo hinje, jeli so njezbudźi. Tohodla chcemy z našim projektom kmanosć, zwólniwosć a zahoritosć za přirodne spěwanje wot zažneho dźěćatstwa spěchować a wuwiwać - a to z modernej a dźěćom wotpowědacej metodiku spěwneje pedagogiki.

Z „Sołobiki – Kóždemu dźěsću jeho hłós“ chcemy wučerkam/-jam a kubłarkam/-jam praktiske instrumenty a tež wěstosć nastupajo spěwanje z dźěćimi sposrědkować. Specielnje wukubłani spěwni pedagogojo na pozbudźace wašnje pokazaja, kak móže so w předmjeće hudźba, w šulskim chórje abo w pěstowarni na strowe a dźěćom wotpowědowace wašnje spěwać, kak hodźitej so dobra artikulacija a aktiwne słuchanje zwučować, kak móže so začuće za ćěło a za rytmus pohłubšeć … Dźěćom wotpowědace wuwiwanje hłosa z kompetentnym nawodom zadźěwa móžnym funkcionelnym škodam na hłosu kaž tež haćenjam a mylenjam při rěčenju. Tak tež přirodne kmanosće stroweho rěčenja a spěwanja njehinu, ale so pola kóždeho dźěsća kubłuja. Wědomostne studije dopokazuja pozitiwne wuskutki spěwneho kubłanja runje tak kaž dopóznaće: Kóžde dźěćo móže spěwać.

„Singen ist das Fundament zur Musik in allen Dingen.“

„Spěwanje je zakład za hudźbu w kóždym nastupanju“ Georg Philipp Telemann (1681 - 1767)

HDŹE, HDY A KAK SO PROJEKT PŘEWJEDŹE?

HODŹINKA SPĚWANJA na šulach we wobłuku předmjeta hudźby jako wudospołnjenje a wotpowědujo wučbneho plana Sakskeje na šulach we wobłuku próbow šulskeho chóra jako podpěra w pěstowarnjach tydźensce jako hodźinka spěwanja W dźěle z dźěćimi dóstanu kubłarki/-jo a wučerki/-jo dalekubłanje, kotrež so na praksy orientuje. Jim so direktnje sposrědkuje, kak móža nastupajo strowe a přirodne spěwanje wobsahowje, metodisce a didaktisce z dźěćimi dźěłać.

SEMINAR direktnje w šuli resp. w pěstowarni jako jednotliwy modul abo jako wjacore na so natwarjace module dalekubłanja (po dorěčenju) jako centralne zarjadowanja dalekubłanja

STARŠI A SPĚWNI KMÓTŘA

zhromadne spěwanje ze staršimi a dźěćimi fachowy nawod při přewzaću spěwnych kmótřistwow přez lajske chóry w regionje Wyše toho wobsteji móžnosć, jednotliwe wustupy abo projekty na šulach a w pěstowarnjach wěcywustojnje přewodźeć.

KONCERT SOBUSPĚWANJA

koncert sobuspěwanja jako wjeršk za wšitke kubłanišća, kotrež so na projekće wobdźěla Při wuzwolenju spěwneje literatury, kotraž ma so nadźěłać, hraja w dwurěčnej Łužicy a w Delnjej Šleskej slědowace regionalne aspekty wosebitu rólu: hajenje serbskeje rěče a rozšěrjenje serbskeho a serbskorěčneho spěwa hajenje narěče w Hornim kraju a w Delnjej Šleskej zeznajomjenje pěsnjow a rěčow našeju susodneju krajow Pólska a Čěska

NAWOD PROJEKTA A KONTAKT:

Serbski ludowy ansambl ptzwr,

knjeni Xenia Měrćinkowa

Wonkowna Lawska 2, 02625 Budyšin

Tel.: 03591 358 110

www.ansambl.de